1 июль куни Остона шаҳрида 5000 кишига мўлжалланган жомеъ масжид қуриш ишлари бошланди. У Тинчлик ва келишув (Мир и согласия) саройи яқинида жойлашади. 2010 йилга масжид қурилишини битказиш мўлжалланмоқда.

Бундан ташқари жорий йилнинг куз ойида уй-жой қурилиш давлат дастури доирасида ўнг томондан каттагина турар жой мажмуаси берилади. Масжид қурилиши лойиҳа ғоялари турли мамлакатлардан иштирок этган моҳир меъморлар танловидан танлаб олинди.
Жомеъ масжиднинг сўнги лойиҳасини қурилиш бошлангунга қадар сақлаш мақсадида архитектурада кўрсатиб ўтилмади.
Бироқ, сарайшик кўчасидаги янги турар жой мажмуасининг кўриниши намойиш қилинди. Уни қад ростлаши уй-жой қурилишини ривожлантириш давлат дастурининг навбатдаги босқичига доирдир. Ҳаммаси мукаммал режалаштирилган бўлиб, унда ҳеч камчиликлар кўзга ташланмайди. Бу ҳудудда яшаш истиқоматчилар учун ажойиб завқ бағишлаши мумкинлигини мутасаддилар таъкидламоқдалар.

Бу лойиҳа ичига турар жойлардан ташқари болалар боғчаси, мактаблар, шифохоналар, барча қулайликларга эга бўлган сайлгоҳлар ҳам киради. Юзага келтириладиган барча шароит 7200 сонли кишини қулай яшашларини таъминлайди.

Шу давлат дастури доирасида бунёд этилаётган яна бир турар жой мажмуаси 70 фоизга битиб қолди. Баъзи жойларда ички таъмир ишлари олиб борилаётган бўлса, ва яна баъзи жойларда бинолар қурилиш ишлари кетмоқда. Ушбу мажмуанинг қурилиш ишлари қишда бошланган бўлиб, шаҳар бош меъморлари жорий йилнинг учинчи чорагида топширишга ваъда беришди. Бу дегани, кузда Қозоғистон пойтахти аҳолиси яна 5000 та янги турар жойга эга бўлишади.